Perqué ?
L’esperanto dubrís las pòrtas d’una ret d’associacions e d’individús dins le monde entièr
Estimam qu’entre qualques centenas de milièrs e dos milions de personas parlan esperanto. Aquela ret mondiala permet als viatjaires de préner lenga amb d’esperantofòns dins de païses nombroses. Amai lo desvelopament d’Internet a dubèrt possibilitats novèlas d’utilizar la lenga (Skype, messatjariá instantanèa, forums, etc…).
L’esperanto facilita l’aprendissatge de las lengas estrangièras
Cada lenga apresa prepara e facilita l’aprendissatge d’una lenga novèla. L’esperanto çaquelà porgís un avantatge mai : s’apren plan mai viste, çò que permet de ne tirar benefici mai d’ora per l’aprendissatge d’una autra lenga. Amai, l’esperanto redona fisança al monde qu’an de difficultats amb las lengas estrangièras.
L’esperanto ajuda a compréner milhor le foncionament de sa lenga pròpra
La gramatica de l’esperanto es intuitiva e transparenta. Per exemple, se sapla fonccion de cada mot dins una frasa per un sistèma engenhós de terminasons. Atal l’esperanto permet de préner consciéncia milhor del foncionament d’una lenga − en particulièr de la seuna.
L’esperanto defend l’idèa d’una comunicacion internacionala mai equitabla
L’esperanto es neutre : es pas ligat a cap de país nimai de pòble. Atal, favoriza pas cap de cultura rapòrt a las autras e s’opausa a la supremacia de las lengas “fòrtas”. L’esperanto pòt doncas jogar un ròtle dins la preservacion de la diversitat linguistica.
L’esperanto met en valor los escambis interculturals et la solidaritat entre los pòbles
Al delà d’una lenga, son de valors umanistas e universalas que defend le movement per l’esperanto : la patz, la fraternitat e la dubertura a las autras culturas. Tot en permetent una communicacion dirècta e orizontala entre los que le practican, l’esperanto favoriza le desvolopament d’una consciéncia de ciutadan del monde.